Информирање на граѓаните од Вардарски плански регион за квалитетот на планирањето и степенот на реализација на општинските буџети со цел подобрување на отчетноста на деветте локални самоуправи од регионот за управувањето со јавни пари, како и подобрување на достапноста на информациите до граѓаните преку можност за тековно следење на финансиските резултати на општините.
Здружението Центар на активни граѓани АКТИВО Велес од Велес е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економски развој на територијата на Македонија и пошироко, а во согласност со Уставот и Законот.